اعمل الى بتحبه!


بجد ! .. إحساس رهيب إنك تبقى زى ما انت عايز .. تعيش الحياة الى طول عمرك بتحلم بيها .. مش الى حد تانى بيحلملك بيها .. و عايزك تعيشها (و كأنه اشتراك عشان تحققله رغباته فى الحياه!) 
إنك تحقق الى بتتمناه و تنوى تكمل .. و حتى لو مكملتش على الاقل تبقى حاسس انك عايز تعمل كده ! .. حتى لو الى حواليك شيفين إن أحلامك و نواياك و لا حاجة!

حتى لو سبت فرص كتير فى حياتك و عملت بس الى انت بتحبه و قررت تعيش عشانه و تبدع فيه .. هتكتشف ان كان فايتك كتير .. بس مش مهم .. المهم دلوقتى .. يلا اعرف انت بتحب ايه و اعمله .. كفاية الوقت الى ضيعته .. و لا مش كفاية الى راح و عندك استعداد تضيع وقت كمان!